Çempionlar Liqası: Ayaks PAOK-la heç-heçə etdi

Bu gün Çempionlar Liqasında 3-cü təsnifat mərhələsinə start verilib.

Corner.az xəbər verir ki, ilk oyun günündə 5 matç keçirilib. 

Qitənin bir nömrəli turnirində ölkəmizi təmsil edən “Qarabağ” da bu gün növbəti oyununa çıxıb. Qurban Qurbanovun  komandası səfərdə Kiprin APOEL klubu ilə üz-üzə gəlib və meydanı qələbə ilə tərk edib.

Çempionlar Liqasının son yarımfinalçısı olan “Ayaks” səfərdə Yunanıstan PAOK-u ilə qarşılaşıb. Dörd qolun qeydə alındığı görüşdə qalib müəyyənləşməyib. “Qarabağ” APOEL səddini keçəcəyi təqdirdə, pley-off mərhələsində bu cütün qalibi ilə qarşılaşacaq.

Çempionlar Liqası, 3-cü təsnifat mərhələsi, ilk oyunlar

6 avqust

APOEL (Kipr) – Qarabağ (Azərbaycan) 1:2
Qol: Merkis, 90+5 – Emreli, 54. Qeye, 69.

PAOK (Yunanıstan) – Ayaks (Hollandiya) 2:2
Qol: Akpom, 32. Matoş, 39 – Ziyex, 10. Huntelaar, 57.

Dinamo (Zaqreb, Xorvatiya) – Ferentsvaroş (Macarıstan) 1:1
Qol: Olmo, 7 – Siqer, 60.

Brügge (Belçika) – Dinamo (Kiyev, Ukrayna) 1:0
Qol: Vanaken, 37-pen.

Srvena Zvezda (Serbiya) – Kopenhagen (Danimarka) 1:1
Qol: Pavkov, 44 – Vind, 84-pen.