Bakı Olimpiya Stadionu Çempionlar Liqasının finalına ev sahibliyi edə bilər

Bakı Olimpiya Stadionu 2027-ci ildə Çempionlar Liqasının finalına ev sahibliyi edə bilər.

90deqiqe.Az UEFA-ya istinadən xəbər verir ki, UEFA-nın "San-Siro" stadionu ilə bağlı qərarından sonra Bakı və Madrid final matçına ev sahibliyi etmək üçün ərizə veriblər. 

2026/2027 mövsümündə qitənin əsas klub turnirinin finalı bu şəhərlərdən birində keçiriləcəyi gözlənilir.

Xatırladaq ki, 2027-ci ildə Çempionlar Liqasının finalı San Siroda keçirilməli olsa da bu final keçən ay geri götürülüb.UEFA bu qərarı matç zamanı stadionun və onun ətrafının yenidənqurma prosesindən təsirlənməyəcəyinə dair təminat olmadığı halda verib.

Qeyd edək ki, Bakı hələ Çempionlar Liqasının final mərhələsinə ev sahibliyi etməyib.