Ançelotti Mbappenin "Real Madrid"dəki çıxışını şərh edib

“Real Madrid”in baş məşqçisi Karlo Ançelotti Kilian Mbappenin çıxışını şərh edib.

90deqiqe.Az-ın məlumatına görə, italyan çalışdırıcı bu barədə jurnalistlərə açıqlamasında deyib.

“Dəfələrlə belə olub ki, hücumçular qol vurmaqda problem yaşayırlar. Mbappe üçün xüsusilə penaltini qaçırandan sonra çətin məqamdır. Özünə inamı yoxdur. Kilianı penaltidən qaçdığına görə mühakimə edə bilməzsiniz. Bu hər kəsdə olur. O, işləməyə davam etməlidir. Səbirli olmalıyıq, çünki o, əla oyunçudur”

Kilian Mbappe dünən Çempionlar Liqasında "Liverpul"a qarşı yaxşı çıxış etməyib və penaltini qola çevirə bilməyib.

Xatırladaq ki, “Real Madrid” Çempionlar Liqasının 5-ci turunda səfərdə “Liverpul”a 0:2 hesabı ilə uduzub.