Mbappe "Atalanta" ilə matçdan gözləntilərini bölüşüb

"Real Madrid"in hücumçusu Kilian Mbappe Çempionlar Liqasında "Atalanta"ya qarşı keçiriləcək oyundan nə gözlədiyini danışıb. 

90deqiqe.Az xəbər verir ki, fransalı forvard bu barədə La Liqada “Jirona” üzərində qələbədən (3:0) sonra müsahibəsində deyib.

“Çempionlar Liqasında həmişə güclü rəqiblərlə qarşılaşmalısan. Son matçda uduzduğumuz üçün qalib gəlməliyik. Biz mübarizə aparmağa və qalib gəlməyə hazırıq”

Berqamo komandası çərşənbə axşamı öz meydanında Los Blancos-u qəbul edəcək. Oyun Bakı vaxtı ilə saat 00:00-da başlayacaq.

"Real" Çempionlar Liqasının ümumi cədvəlində 5 turdan sonra 6 xalla 24-cü yerdədir. “Atalanta” 11 xalla 5-ci yerdədir.