"Barselona"nın böyük potensialı var"

"Barselona"nın baş məşqçisi Hans-Diter Flik Dortmund "Borussiya"sı ilə görüşdən gözləntilərini bölüşüb.

90deqiqe.Az xəbər verir ki, alman çalışdırıcı bu barədə UEFA-nın mətbuat xidmətinə danışıb.

“Biz inanılmaz atmosferi olan fantastik stadionda oynayacağıq, komandama və gördüyümüz işlərə tam əminəm. Qarşılaşmada qalib gəlmək üçün vahid olmalıyıq. İspaniya və Almaniya futbolu arasındakı fərqlər? Məncə, bunu müqayisə etmək olmaz. Hər kəsin futbola öz baxışı var. Bu ölkələri futboldakı ab-hava birləşdirir, azarkeşlərdən belə ehtiras görmək xoşdur. "Betis"ə qarşı xal itirmək? Bu bizi kədərləndirir. Təkmilləşdirməli olduğumuz bəzi şeylər var, amma bizim üçün inanılmaz potensial görürəm.İnanıram ki, biz "Borussiya"ya qalib gələ bilərik"