"Hər şey öz əlimizdədir" - Simone İnzaqi

"İnter"in baş məşqçisi Simone İnzaqi komandasının UEFA Çempionlar Liqasının ümumi mərhələsində ilk 8-liyə düşmək şansları ilə bağlı fikirlərini bölüşüb.

90deqiqe.Az-ın məlumatına görə, təcrübəli mütəxssis bu barədə UEFA-nın mətbuat xidmətinə danışıb.

“Güclü rəqiblə görüşdə yaxşı oyun göstərdik. Son addımı atmalıyıq, hər şey öz əlimizdədir. Yeddi oyunda 16 xal topladıq, güclü komandalara qarşı oyunlarda yalnız bir qol buraxdıq”

“Neradzurri” son matçında səfərdə “Sparta”nı 0:1 hesabı ilə məğlub edib.

Çempionlar Liqasının yeddi turundan sonra Milan komandası 16 xala malikdir və dördüncü yerdədir. Ümumi mərhələnin final oyununda “İnter” doğma meydanda “Monako”nu qəbul edəcək.