"Biz eyni məcrada davam etməliyik”

"Real Madrid"in hücumçusu Vinisius Junior Çempionlar Liqasının ümumi mərhələsinin 7-ci turunda Avstriyanın "Red Bull Zalsburq"u üzərində qələbədən sonra fikirlərini bölüşüb.

90deqiqe.Az-ın məlumatına görə, braziliyalı forvard bu barədə UEFA-nın mətbuat xidmətinə danışıb.

“Matçın ən yaxşı futbolçusu seçildiyimə görə şadam. Ancaq Bellinqhem və Rodriqonu qeyd etmək istəyirəm, onlar çox yaxşı oynadılar. Əsas odur ki, qələbə qazana bildik. Biz eyni məcrada davam etməliyik”.

Braziliyalının iki qol vurması ilə ağ-qaralar 5:1 hesabı ilə qalib gəlib. Yeddi turun nəticələrinə əsasən, 12 xalla Madrid komandası turnir cədvəlinin 16-cı pilləsində qərarlaşıb. Son turda Karlo Ançelottinin yetirmələri səfərdə Fransanın “Brest” komandası ilə qarşılaşacaq.