“Komandamız hazırda əla formadadır"

"İnter"in müdafiəçisi Stefan de Vrij UEFA Çempionlar Liqasının ümumi mərhələsinin VII turunda Çexiyanın "Sparta"sına səfərdə qazandıqları qələbədən (1:0) danışıb.

90deqiqe.Az-ın məlumatına görə, 32 yaşlı futbolçu bu barədə UEFA-nın mətbuat xidmətinə bölüşüb.

“Komandamız hazırda əla formadadır. Bu qələbə ilk səkkizliyə düşmək üçün vacibdir. Bu görüşə yaxşı başlamaq bizim üçün vacib idi. Yaxşı əhval-ruhiyyə ilə çıxdıq və çox ötürmə oynadıq.Rəqib qapını bağladı və bizim səhv etməyimizi gözlədi”.

Çempionlar Liqasının ümumi mərhələsinin yeddi turundan sonra Simone İnzaqinin komandası 16 xalla turnir cədvəlinin dördüncü pilləsində qərarlaşıb.