"Qasperini “Atalanta”da inanılmaz iş görür"

"Barselona"nın baş məşqçisi Hans-Diter Flik "Atalanta"nın baş məşqçisi Can Piero Qasperini haqda fikirlərini bölüşüb.

90deqiqe.Az xəbər verir ki, "Barca Universal" alman mütəxəssisin dediklərini belə çatdırıb.

“Mən Qasperiniyə və onun “Atalanta”da işini yerinə yetirməsinə böyük hörmətim var. Onun etdikləri inanılmazdır. Düşünürəm ki, o, artıq səkkiz ildən çoxdur ki, "Atalantada"dır və bir klub yaxşı məşqçiyə güvəndikdə nə baş verdiyini görə bilərsiniz"

Xatırladaq ki, Qasperini 2016-cı ildən “Atalanta”nın “sükanı arxası”ndadı. Onun rəhbərliyi altında komanda ötən mövsüm tarixində ilk dəfə Avropa Liqasının qalibi olub. Sabah, Bakı vaxtı ilə saat 00:00-da başlayacaq Çempionlar Liqasının səkkizinci turu çərçivəsində "Barselona" və "Atalanta" komandaları üz-üzə gələcək.