Enrike Dembelenin oyununu qiymətləndirdi - "Bizi heyrətləndirən onun..."

PSJ-nin baş məşqçisi Luis Enrike Çempionlar Liqasının "Brest"lə oyunu öncəsi hücumçu Usman Dembele haqda danışıb.

90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında danışıb.

“Mən Dembele kimi texniki oyunçuların müdafiəçisi olmuşam və olacağam. Bizi heyrətləndirən onun həmişə doğru yerdə ola bilməsidir. Biz onun statistikasını bilirik, təsir edicidir. Usmanın ətrafındakı bütün oyunçuların əməyini də qeyd etmək istərdim. Onun keyfiyyətlərini cinahda bilirdik, indi də hücumun mərkəzində onun keyfiyyətlərini kəşf etmişik.Biz buna çox şadıq" 

2024/2025 mövsümünün 27 matçında Usman Dembele 21 qol vurub və komanda yoldaşlarına 6 məhsuldar ötürmə verib.