"Liverpul" Çempionlar Liqasında 56 milyon, "Barselona" 54 milyon, "Real" isə...

Cari Çempionlar Liqasını ümumi hesabda birinci yerdə başa vuran "Liverpul" bu günə kimi digər klublardan çox 56,2 milyon avro qazanıb.

90deqiqe.Az "AS" nəşrinə istinadən xəbər verir ki, "Barselona" ümumi turnir nəticələrinə görə ikinci yerdədir. “Mavi qranatlar” 54,5 milyon avro qazanıb. "Real Madrid" (11-ci yer) klubun büdcəsini 37,27 milyon avro ilə doldurub. Digər komandalar kimi “qaymaqlıların” da Çempionlar Liqasında 1/8 finala yüksələcəyi təqdirdə daha 11 milyon avro qazanacaq.

Xatırladaq ki, bu gün, fevralın 11-də “Real” yarışın 1/8 finalında oynamaq hüququ uğrunda ilk pley-off oyununda “Mançester Siti” ilə qarşılaşacaq. Hakimin start fiti Bakı vaxtı ilə saat 00:00-da səslənəcək.