"Bellinqem təzyiq altındadır, lakin..."

"Çelsi"nin keçmiş futbolçusu Co Koul Çempionlar Liqasında "Mançester Siti" ilə görüşdən sonra "Real Madrid"in yarımmüdafiəçisi Cude Bellinqhemlə bağlı fikirlərini bölüşüb.

90deqiqe.Az xəbər verir ki, "Eurosport" 43 yaşlı sabiq futbolçunun dediklərini belə çatdırıb.

"Bellinqem ən yaxşı oyununu oynamadı, amma futbol instinktlərindən istifadə etdi. Cude təzyiq altındadır, lakin hər şeyə tez reaksiya verir. 92-ci dəqiqədə sürətini artırıb qol vurdu, indi onun adı hər yerdə hallanır. O, super ulduzdur”.

Xatırladaq ki, Mançesterdə keçirilən görüş “qaymaqlılar”ın 3:2 hesablı iradəli qələbəsi ilə başa çatıb. Cavab oyunu fevralın 19-da "Santyaqo Bernabeu" stadionunda keçiriləcək.