"Benfika"nın baş məşqçisi "Monako" üzərində qələbəni şərh edib

"Benfika" komandasının baş məşqçisi Bruno Lage UEFA Çempionlar Liqasının pley-off mərhələsində “Monako” üzərində minimal hesablı səfər qələbəsindən sonra fikirlərini bildirib.

90deqiqe.Az xəbər verir ki, 48 yaşlı mütəxəssis bu barədə jurnalistlərə açıqlamasında danışıb.

“Birinci hissədə çoxlu taktiki döyüşlər oldu. Hər iki komandanın qarşıda daha bir görüşün olduğunu başa düşdüyü aydındı. Bu görüş ümumi mərhələdə keçirilən görüşdən fərqli idi”, - deyə mütəxəssis bildirib.

Portuqaliyalılar "moneqasklılar"ı 1:0 hesabı ilə məğlub edib.

"Benfika" - "Monako" cavab oyunu fevralın 18-də Lissabondakı stadionda keçiriləcək. Bu görüşün qalibi UEFA Çempionlar Liqasının 1/8 finalında iştirak edəcək.