"Real"ın zəif nöqtəsini tapmaq üçün həmişə bir yol var"

"Mançester Siti"nin baş məşqçisi Pep Qvardiola UEFA Çempionlar Liqasının pley-off mərhələsinin cavab oyunu öncəsi "Real Madrid"in zəif tərəfləri ilə bağlı sualı cavablandırıb.

90deqiqe.Az xəbər verir ki, “AS" nəşri ispan mütəxəssisin dediklərini belə çatdırıb.

"Real Madridin zəif tərəfi nədir?" Mükəmməl komandalar yoxdur. Rəqibinizin zəif nöqtəsini tapmaq üçün həmişə bir yol var. “Mançester Siti”nin Madriddən güclü olduğu tərəflər var və əksinə.Qarşıdakı görüşdə güclü tərəflərimizdən istifadə etməyə çalışacağıq”.

İlk oyunda “Mançester Siti” öz meydanında 2:3 hesablı məğlubiyyətlə üzləşib. Cavab oyunu bu gün "Santyaqo Bernabeu"da keçiriləcək.