"Biz bu oyundan dərs çıxaracağıq"

"Bavariya"nın baş məşqçisi Vinsent Kompani Çempionlar Liqasında "Seltik"i məğlub etdikdən sonra (2:1, 1:1) fikirlərini bölüşüb.

90deqiqe.Az xəbər verir ki, “Bayern & Germany" belçikalı mütəxəssisin dediklərini belə çatdırıb.

“Çətin heç-heçədir. Düşünürəm ki, ikinci hissədə çoxlu imkanlarımız oldu, iki-üç qol vura bilərdik. Kontekst vacibdir. Son altı gündə çox enerji sərf etmişik. Nəticədə, Bundesliqadakı ən yaxın rəqiblərimizi səkkiz xal qabaqlayaraq, Çempionlar Liqasının 1/8 finalına yüksəlmişik. İndi bərpa etmək üçün vaxtımız var. Əlbəttə ki, biz həmişə üstünlük təşkil etmək və rəqiblərimizdən qat-qat güclü olmaq istəyirik, xüsusən də öz stadionumuzda, amma nəticə həmişə önəmlidir.Biz bu oyundan dərs çıxaracağıq".