"Milan"la ÇL-da oynamağı çox istəyirdim, amma..."

"Milan"ın yarımmüdafiəçisi Joao Feliks komandasının Çempionlar Liqasından kənarlaşdırılmasını şərh edib.

90deqiqe.Az xəbər verir ki, jurnalist Fabrizio Romano portuqaliyalı futbolçunun dediklərini belə çatdırıb.

 "Milan"ın heyətində Çempionlar Liqasında oynamağı çox istəyirdim, amma cəmi iki oyun keçirə bildim... Bu futboldur, nə qədər gənc və ya təcrübəli olsaq da, hamımız öyrənməliyik".

"Feyenoord"la cavab pley-off matçında heç-heçə (1:1) olan italyanlar turniri tərk edib. “Rossoneri” Niderland klubuna iki görüşdə 1:2 hesabı ilə uduzub

Xatırladaq ki, Çempionlar Liqasının 1/8 final mərhələsində "Feyenoord" "İnter" və ya "Arsenal"la oynayacaq.