“Real"ın əsas gücü oyunçularının dinamikliyi və bacarığıdır"

"Mançester Siti"nin baş məşqçisi Xosep Qvardiola "Real Madrid"də onu xüsusilə heyran edən şeyləri açıqlayıb. 

90deqiqe.Az xəbər verir ki, “Madrid Universal" ispan mütəxəssisin dediklərini belə çatdırıb.

“Real Madrid"in əsas gücü oyunçularının dinamikliyi və bacarığıdır. Əvvəllər “Real” daha çox keçid komandası idisə, indi mövqe hücumlarında anlar yaratmağa qadirdir. Düşünürəm ki, onlar bu mövsüm yaxşılaşdılar və daha mükəmməl oldular".

"Şəhərlilər" Çempionlar Liqasının ilk pley-off mərhələsində Los Blankosa ümumilikdə 3:6 hesabı ilə uduzaraq, mübarizədən kənarda qalıblar. Cavab oyununda madridlilər evdə Kilian Mbappenin het-triki sayəsində qalib gəlib (3:1).

1/8 finalda Karlo Ançelottinin komandası "Atletiko" və ya "Bayer"lə qarşılaşacaq.