"Real" indi daha güclüdür"

"Mançester Siti"nin baş məşqçisi Xosep Qvardiola Çempionlar Liqasının 2024/2025-ci il mövsümünün cavab oyununda "Real Madrid"ə 1:3 hesablı məğlubiyyətdən sonra gələcəyi və komandanın vəziyyəti ilə bağlı açıqlama verib.

90deqiqe.Az xəbər verir ki, "AS" nəşri ispan çalışdırıcının dediklərini belə çatdırıb.

"Dövrümün sonu? Müəyyən mənada bəli. Heç nə əbədi deyil. Yeddi ildə 6 dəfə Premyer Liqanın qalibi olduq, Çempionlar Liqasında isə hər il 1/4 finala, yarımfinala və finala yüksəldik... İşləmək üçün gücümüz varmı? Dayanmaq fikrim yoxdur.

Reallığı qəbul edirəm və "Real Madrid" indi daha güclüdür. Hamısı budur. Ötən mövsüm çox yaxşı oynadıq, amma bu mövsüm yox. Mən həmişə inanıram ki, buna layiq olan qalib gəlməlidir. Bəzən komanda gözləniləndən çox irəliləyir. Məsələn, keçən mövsümdə belə hallar baş verə bilər. Ancaq bunlar olur və siz bununla üzləşməli olacaqsınız"

Xatırladaq ki, Qvardiolanın məşqçilik karyerasında ilk dəfədir ki, o və komandası Çempionlar Liqasının 1/8 finalına yüksələ bilmir. “Real” avrokubokların növbəti mərhələsində ya “Atletiko”, ya da “Bayer”lə qarşılaşacaq. Püşkatma fevralın 21-də keçiriləcək.