Mbappe het-triklə ÇL-da həftənin oyunçusu adına iddialıdır

UEFA Çempionlar Liqasının 2024/2025 mövsümünün cavab pley-off oyunları başa çatıb.

90deqiqe.Az xəbər verir ki, matçların nəticələrinə əsasən, həftənin ən yaxşı oyunçusu adına iddialı dörd futbolçu seçilib. Fərdi mükafata namizədlər siyahısında "Real Madrid"in hücumçusu Kilian Mbappe də var.

Fransız "Mançester Siti" ilə matçda het-trik edib. Mükafat üçün digər iddiaçılar arasında Vitinya (PSJ), Noah Lanq (PSV) və Orkun Kökçü (Benfika) var.

Qalib UEFA-nın rəsmi saytında səsvermə yolu ilə müəyyən olunacaq. Sabah Çempionlar Liqasının 1/8 final mərhələsinin püşkü atılacaq.