ÇL-da 1/8 final mərhələsinin püşkü atılıb

Avropa futbolunun bir nömrəli klub səviyyəli qurumunda son 16 turun oyunları müəyyənləşib.

90deqiqe.Az-ın məlumatına görə, İsveçrənin Nyon şəhərindəki mənzil-qərargahında püşkatma mərasimi keçirilib.

Çempionlar Liqasında liqa mərhələsini ilk 8 pillədə başa vuran "Liverpul", "Barselona", "Arsenal", "İnter", "Atletiko Madrid", "Bayer Leverkuzen", "Lill" və "Aston Villa" birbaşa olaraq son 16-cı tura yüksəlib.

Pley-off mərhələsində rəqiblərini mübarizədən kənarlaşdıran "Feyenoord", "Brügge", "Bavariya", "Benfika", "Borussiya Dortmund", PSJ , "Real" və PSV 1/8 finala yüksələn digər komandalar olub.

1/16 final mərhələsinin ilk oyunları martın 4-5-də, cavab görüşləri isə 11-12-də oynanılacaq.

Çempionlar Liqası

1/8 final

PSJ (Fransa) - “Liverpul” (İngiltərə)

“Brügge” (Belçika) - “Aston Villa” (İngiltərə)

“Real” (İspaniya) - “Atletiko” (İspaniya)

PSV (Niderland) - “Arsenal” (İngiltərə)

“Benfika” (Portuqaliya) - “Barselona” (İspaniya)

“Lill” (Fransa) - “Borussiya” (Dortmund, Almaniya)

“Bavariya” (Almaniya) - “Bayer 04” (Almaniya)

“Feyenoord” (Niderland) - “İnter” (İtaliya)