UEFA Qvardiolaya görə "Real Madrid"i hədələyib

UEFA Çempionlar Liqasının pley-off mərhələsinin "Real" - "Mançester Siti" matçının cavab oyunu zamanı baş verən insidentlə bağlı qərar verib.

90deqiqe.Az "Cadena SER"ə istinadən xəbər verir ki, "Real Madrid" UEFA tərəfindən 30 min avro cərimələnib. Madrid komandası da avrokubok matçı üçün Santiaqo Bernabeu stadionunda tribunaların qismən bağlanacağı ilə hədələnib.Pozuntu iki il ərzində təkrarlanarsa, bu sanksiya tətbiq olunacaq.

Oyun zamanı Madrid klubunun azarkeşləri Xosep Qvardiolanın ünvanına təhqiramiz şüarlar səsləndiriblər.

Xatırladaq ki, "Real Madrid" doğma meydanda "Mançester Siti"yə 3:1 hesabı ilə qalib gələrək Çempionlar Liqasının 1/8 final mərhələsinə yüksəlib.