"Liverpul" həqiqətən yaxşı komandadır"

PSJ-nin yarımmüdafiəçisi Joao Neves Çempionlar Liqasının 1/8 finalında "Liverpul"a qarşı keçirəcəkləri ilk oyun öncəsi komandasının oyun vəziyyəti ilə bağlı açıqlama verib.

90deqiqe.Az xəbər verir ki, portuqaliyalı futbolçu bu barədə jurnalistlərə açıqlamasında danışıb.

"Çempionlar Liqasında mövsümün əvvəlində indikindən bir qədər çətin idik. Amma bu, pis oynadığımız üçün deyil, sadəcə, indiki qədər qol vurmadıq. İndi hər matçda eyni yanaşma, eyni ritm və eyni oyun keyfiyyəti ilə oynayırıq. Enerjimiz çoxdur. "Liverpul" həqiqətən yaxşı komandadır, Çempionlar Liqasında birinci yeri əbəs yerə tutmayıblar" 

PSJ - "Liverpul" matçı sabah, Bakı vaxtı ilə saat 00:00-da başlayacaq.