Superkompüter Çempionlar Liqasının 1/4 finalında bir iştirakçının adını açıqlayıb

Bu həftə UEFA Çempionlar Liqasında 1/8 final mərhələsinin ilk oyunları keçirilib.

90deqiqe.Az-ın məlumatına görə, nəticələrə əsasən, "Opta" superkompüteri komandaların turnirin 1/4 finalına yüksəlmək şanslarını açıqlayıb. Proqnozlar arasında ən yüksək ehtimala sahib olan klub Londonun “Arsenal”ıdır. Superkompüterə görə, “Arsenal”ın 1/4 finala yüksəlmə şansı 100% olaraq qiymətləndirilib.

Bu proqnozla razılaşmamaq çətindir, çünki Mikel Artetanın komandası Niderland PSV-sini 7:1 hesabı ilə darmadağın edərək böyük bir fərqlə evdə qələbə qazanıb. Qarşıdurmanın cavab oyunu gələn həftə Londonda keçiriləcək.