"Çempionlar Liqasının 1/4 finalına yüksələcəyimizə əminik"

"Real"ın baş məşqçisi Karlo Ançelotti Çempionlar Liqasının 1/8 finalında "Atletiko"ya qarşı keçirəcəkləri cavab oyunu öncəsi fikirlərini bildirib.

90deqiqe.Az xəbər verir ki, italyan çalışdırıcı bu barədə jurnalistlərə açıqlamasında danışıb.

“Yaxşı işləyirik, motivasiyalıyıq. Həmişə olduğu kimi bu yarışmada. Qarşıda bizi çətin matç gözləyir və bunu bilirik. Amma əminik ki, bizim üçün xüsusi olan bu turnirdə iştirak etməyə davam edəcəyik. Bu mövsüm son 16-lıq əvvəlki illərdən daha çətin keçir, lakin biz mübarizəni davam etdirəcəyimizə əminik”

İlk oyunda “Real” doğma meydanda “Atletiko”ya 2:1 hesabı ilə qalib gəlib. Cavab oyunu martın 12-də, Bakı vaxtı ilə saat 00:00-da başlayacaq.