"Bizdə sadəcə olaraq səmərəlilik çatışmırdı”

"Bayer Leverkuzen"in baş məşqçisi Xabi Alonso UEFA Çempionlar Liqasının 1/8 final mərhələsinin cavab oyununda "Bavariya"ya məğlubiyyətdən sonra fikirlərini bildirib.

90deqiqe.Az xəbər verir ki, təcrübəli çalışdırıcı bu barədə UEFA-nın mətbuat xidmətinə açıqlamasında danışıb.

“Qol vurmağa yaxın idik, ilk qol vura bilərdik. Amma qol buraxdıqdan sonra iş bizim üçün çox çətinləşdi. Çempionlar Liqasında səhv etmək olmaz və bizdə belə səhvlər çox idi. Eyni zamanda, oğlanların zəif oynadığını deyə bilmərəm.Bizdə sadəcə olaraq səmərəlilik çatışmırdı”.

İlk görüşdə 3:0 hesabı ilə qalib gələn "Bavariya" səfərdə 2:0 hesablı qələbə qazanaraq cavab matçında liderliyini möhkəmləndirib. 1/4 finalda münhenlilər Milan “İnter”i ilə qarşılaşacaq.