"Real"a qarşı əla oyun göstərməliyik"

"Atletiko Madrid"in baş məşqçisi Dieqo Simeone Çempionlar Liqasında "Real"a qarşı keçirəcəkləri oyunu şərh edib.

90deqiqe.Az-ın "AS" nəşrinə istinadən verdiyi xəbərə görə, mütəxəssis futbolda müxtəlif ssenarilərin, imkanların çox olduğunu bildirib. Baş məşqçi onu da əlavə edib ki, komandası oyun meydanını bərabərləşdirmək üçün hədəf axtarmalı olacaq və matç məhz bu şəkildə davam edəcək.

“Biz əla oyun göstərməliyik. Püşkatmadan sonra dedim ki, bu, əla oyun oldu və ümid edirəm ki, bunu sübut edə biləcəyik”

“Real Madrid” və “Atletiko” bu gün, martın 12-də, Moskva vaxtı ilə saat 23:00-da “Riyadh Air Metropolitano”da üz-üzə gələcək.