"Real" topa sahib idi, amma təhlükə yarada bilmirdi"

"Atletiko Madrid" Çempionlar Liqasının 1/8 finalında "Real"a penaltilər seriyasında uduzaraq, mübarizəni dayandırıb.

90deqiqe.Az xəbər verir ki, Madrid klubun çalışdırıcısı Dieqo Simeone oyundan sonra bu barədə jurnalistlərə açıqlama verib..

“Matç boyu oyuna yaxşı nəzarət etdik. Daha çox qol vurmaq şanslarımız oldu, lakin son mərhələlərdə dəqiqlik çatışmadı. "Real Madrid" topa sahib idi, lakin heç bir şans yaratmadı. Düşünürəm ki, inanılmaz bir iş gördük. Qürur duymaq üçün səbəbimiz var. Azarkeşlərimiz oyundan həzz aldılar. "Real" bizi Çempionlar Liqasında həmişə və ya demək olar ki, həmişə məğlub edir, lakin bu dəfə rəqiblərimizə çox əziyyət verdik".

Matçın ilk dəqiqəsində qol vuran “döşək ustaları” iki görüşdə hesabı bərabərləşdirib (2:2). Qalan iki saatlıq oyunda tamaşaçılar qol görməyiblər və penaltilər seriyasında “qaymaqlılar” qalib gəlib – 4:2.