"Bavariya" ÇL-nın bu mövsümündə ən çox qazanan klubdur

Bu günə qədər Çempionlar Liqasının cari mövsümündə ən çox qazanan komanda "Bavariya" olub.

90deqiqe.Az "Football Meets Data"ya istianadən xəbər verir ki,  Alman klubu, turnirin bütün iştirakçıları arasında 106 milyon avro ilə birinci yeri tutub.

İkinci yerdə büdcəsinə 104,4 milyon avro əlavə edən PSJ qərarlaşıb."İnter" 103,1 milyon avro qazanaraq ilk üçlüyü tamamlayıb.

Çempionlar Liqasının cari mövsümündə gəlirlərinə görə ilk 7 klub:

"Bavariya" - 106 milyon avro;
PSJ - 104,4 milyon avro;
"İnter" - 103,1 milyon avro;
"Borussiya Dortmund" - 102,2 milyon avro;
"Arsenal" - 102 milyon avro;
"Barselona" - 101 milyon avro;
"Real Madrid" - 101 milyon avro.

Yarışın ümumi mükafat fondunun 2,47 milyard avro olduğu və 36 iştirakçı komanda arasında bölüşdürüləcəyi vurğulanır.