"Çempionlar Liqasının favoriti bizik"

"Barselona"nın cinah oyunçusu Lamin Yamal komandasını hazırkı Çempionlar Liqasının favoriti hesab edir.

90deqiqe.Az xəbər verir ki, "Sport" nəşri gənc futbolçunun dediklərini belə çatdırıb. 

"Çempionlar Liqasının favoriti bizik. Ümumi mərhələ başa çatanda mən 'Liverpul'u favorit adlandırdım, çünki onlar birinci oldular. İndi isə onların mübarizədən kənarlaşdırılmasından sonra biz favoritik."

Xatırladaq ki, Çempionlar Liqasının 1/8 finalında “Liverpul” PSJ-yə penaltilər seriyasında uduzmuşdu. “Barselona” isə öz növbəsində “Benfika”nı məğlub edib. 1/4 finalda kataloniyalılar Dortmund “Borussiya”sı ilə qarşılaşacaq. Yarımfinal duelinin qalibi ya "Bavariya", ya da "İnter"lə oynayacaq.