"Atletiko" "Real"ın oyunçularının davranışı ilə bağlı UEFA-ya şikayət edib

"Atletiko Madrid" Çempionlar Liqasının 1/8 final mərhələsində komandaların üz-üzə oyunundan (1:0, 2:4 pen.) sonra "Real Madrid"in futbolçularını davranışlarına görə UEFA-ya şikayət edib.

90deqiqe.Az-ın "Mundo Deportivo"ya istinadən verdiyi xəbərə görə, “matrasçılar” “qaymaqlı” oyunçuların nalayiq davranışlarını əks etdirən dörd video yazı əlavə ediblər.

Bu videolarda Antonio Rüdiger və Vinicius Juniorun “Atletiko” azarkeşlərinə təxribat xarakterli jestlər etdiyi vurğulanır.

Rəqib oyunçulara qarşı təhqiramiz jestlər edən Kilian Mbappe və Daniel Seballosun yer aldığı videolar da göndərilib.