"Mənim arzum Çempionlar Liqasını qazanmaqdır"

"Bavariya"nın mərkəz hücumçusu Harri Keyn UEFA Çempionlar Liqasını qazanmaq istəyir.

90deqiqe.Az xəbər verir ki, "ESPN" ingilis oyunçunun dediklərini belə çatdırıb. 

"Mənim arzum Çempionlar Liqasını qazanmaqdır. Bu, bütün həyatımın məqsədidir. Bu mövsüm bunu öz stadionumuzda etmək şansımız var. Belə bir zəfər xüsusi olacaq. Qarşıda 1/4 finalda "İnter"ə qarşı vacib matçlarımız var. Mümkün qədər hazır olmalıyıq"

Xatırladaq ki, Keyn Münhen klubuna 2023-cü ilin yayında "Tottenhem" klubundan keçib. Tərəflər arasında mövcud müqavilə 2027-ci ilin iyunun sonunda başa çatır. Onun bazar dəyəri 90 milyon avrodur.