"Atletiko" azarkeşləri UEFA-dan Alvaresin penalti videosunun orijinalını tələb edə bilər

“Atletiko Madrid” azarkeşlərinin beynəlxalq assosiasiyası Çempionlar Liqasının 1/8 final mərhələsinin “Real Madrid”lə cavab matçında (1:0, 2:4) penalti zərbəsi zamanı döşəkçinin hücumçusu Julian Alvaresin qoşa toxunuşu anının orijinal videosunu Avropa Futbol Assosiasiyaları İttifaqından (UEFA) tələb etmək variantını nəzərdən keçirir.

90deqiqe.Az-ın "COPE"yə istinadən verdiyi xəbərə görə, bundan əvvəl “Atletiko” azarkeşləri tərəfindən aparılan müayinə nəticəsində UEFA tərəfindən yayımlanan videonun montaj edildiyi məlum olub.

Xatırladaq ki, Madrid komandaları arasında keçirilən matçın baş hakimi Şimon Marçiniak oyunsonrası penaltilər seriyasında Alvaresin vurduğu qolla hesablaşmamışdı. Bu qərar futbol dairələrində mübahisələrə səbəb olub.