Şesni "Borussiya" ilə oyun öncəsi isinmə məşqini əlindən aldığı zədə səbəbindən tərk edib

"Barselona"nın qapıçısı Voyçex Şesni əlindən aldığı zədə səbəbindən Çempionlar Liqasının 1/4 final mərhələsində Dortmund "Borussiya"sı ilə keçiriləcək oyun öncəsi isinmə məşqini tərk edib.

90deqiqe.Az-ın məlumatına görə, polşalı qolkiper zədə aldıqdan sonra klub həkiminin müşayiəti ilə soyunub-geyinmə otağına gedib.

Hazırda davam edən "Borussiya" - "Barselona" matçında meydan sahibləri minimal hesabla öndədir.

Bu mövsüm 34 yaşlı qolkiper bütün yarışlarda 22 oyun keçirib, 12 qapını təmiz saxlayıb. Futbolçunun klubla hazırkı əmək müqaviləsi 2025-ci ilin yayına kimi nəzərdə tutulub.Transfermarkt portalında verilən məlumata görə, futbolçunun bazar dəyəri 1 milyon avrodur.