"Salah bu ilki "Qızıl top" mükafatına layiqdi"

"Real Madrid"in və "Liverpul"un keçmiş baş məşqçisi Rafael Benites bu il nüfuzlu "Qızıl top" mükafatını hansı futbolçuların qazanmağa layiq olduğunu açıqlayıb.

90deqiqe.Az-ın “Marca”ya istinadən yaydığı məlumata görə, təcrübəli çalışdırıcı, "Liverpul"un misirli hücumçusu Məhəmməd Salahın bu ilki mükafatı mütləq qazanmağa layiq olduğunu bildirib.

“Oyunçu özünə düzgün qayğı göstərirsə və yüksək səviyyədə çıxışını davam etdirirsə, yaşın heç bir əhəmiyyəti qalmır. Salah bu mükafata tam layiqdi.”

Xatırladaq ki, ekspertlər bu il “Qızıl top”a əsas namizəd kimi “Barselona”nın braziliyalı hücumçusu Rafinyanı görürlər. Salah bu mövsüm "Liverpul"un heyətində Premyer Liqada 32 oyun keçirib, 27 qol vurub və 18 məhsuldar ötürmə edib.