"Penalti texnikamda Neymar və Balotellidən ilham almışam"

"Bavariya"nın hücumçusu Harri Keyn "Santos"un cinah oyunçusu Neymar və "Cenoa"nın hücumçusu Mario Balotellinin penalti zərbəsi texnikasından ilhamlandığını deyib.

90deqiqe.Az xəbər verir ki, "TNT Sports Brasil" ingilis futbolçunun dediklərini belə çatdırıb. 

"Bu illər ərzində belə penaltilər vuran çoxlu oyunçu olub. Balotelli də belə idi, Neymar da. Topu vurmazdan əvvəl qapıçının qapıdan çıxmasını gözləyən futbolçular var idi. Mən bunu heç vaxt belə etmirdim, daha çox güc və dəqiqlik axtarırdım.

Dünya Kubokunda penaltini qaçırdığım zaman, xüsusən də bir oyunda iki penalti vuranda fərq yarada biləcəyimi hiss etdim. Oyunumu təkmilləşdirməyə çalışmaq istəyirdim. Xoşbəxtlikdən, o vaxtdan bəri yaxşı işləyirəm"

Bu mövsüm Keyn "Bavariya"nın heyətində bütün turnirlərdə 41 oyun keçirib, 34 qol vurub və 12 məhsuldar ötürmə edib. Futbolçunun hazırkı klubu ilə hazırkı əmək müqaviləsi 2027-ci ilin yayına qədərdir.Transfermarkt internet portalında verilən məlumata görə, 31 yaşlı futbolçunun bazar dəyəri 90 milyon avrodur.