“Barselona” “Çelsi”ni darmadağın edib

Qadınlar arasında UEFA Çempionlar Liqasının ilk yarımfinal matçında İspaniyanın “Barselona” klubu İngiltərənin “Çelsi”sini qəbul edib.

90deqiqe.az xəbər verir ki,  Barselonadakı “Mini Estadi” stadionunda keçirilən qarşılaşma meydan sahiblərinin 4:1 hesablı qələbəsi ilə yekunlaşıb.

Kataloniya təmsilçisi 35-ci dəqiqədə hesabı açıb – bu qolda hücumçu Eva Pajor fərqlənib. 70-ci dəqiqədə Klaudiya Pina fərqi artıraraq “Barselona”nı 2:0 önə çıxarıb. Dörd dəqiqə sonra “Çelsi”nin müdafiəçisi Sendi Baltimor hesab arasındakı fərqi minimuma endirib. Lakin 82-ci dəqiqədə İrene Paredes üçüncü qolla fərqi bərpa edib. 90-cı dəqiqədə isə Pina dubla imza ataraq yekun nəticəni müəyyənləşdirib – 4:1.

Komandalar arasındakı cavab oyunu aprelin 27-də İngiltərənin paytaxtı Londonda, “Stemford Bric” stadionunda keçiriləcək.