"Son 10 ildə doqquz dəfə Çempionlar Liqasından kənarda qalmışam"

"Bavariya"nın futbolçusu Coşua Kimmix komandanın Çempionlar Liqasında “İnter”ə məğlub olaraq turnirdən kənarlaşdırılmasından sonra soyunub-geyinmə otağındakı atmosferdən danışıb.

90deqiqe.Az xəbər verir ki, "Bild" nəşri futbolçunun fikirlərini belə çatdırıb:

"Mən hiss edirdim ki, bu dəfə daha birləşmişik. Son 10 ildə doqquz dəfə Çempionlar Liqasından kənarda qalmışam və tez-tez müşahidə etmişəm ki, həmin məqamlarda özümüzdən şübhələnməyə və başqalarını günahlandırmağa başlayırıq. Bu mövsüm isə, xüsusilə də soyunub-geyinmə otağında, bir-birimizlə daha fərqli və pozitiv ünsiyyət qurduq.

Son bir neçə gündə heç kim günahkar axtarmırdı. Artıq nəyisə dəyişə bilməyəcəyimizi hamımız anlayırdıq və diqqətimizi son iki titul şansına yönəltdik. Klub – xüsusilə də ictimaiyyət qarşısında – çox ağıllı şəkildə davranır. Bu, bizim üçün böyük üstünlükdür və diqqətimizi yalnız özümüzə və çıxışımıza yönəltməyə imkan verir.”

1/4 final mərhələsinin ilk oyunu Münhendə baş tutub və 2:1 hesabı ilə milanlıların xeyrinə başa çatıb. İkinci oyun İtaliyada baş tutub və heç-heçə ilə yekunlaşıb - 2:2. Qarşılaşmada "İnter" 4:3 hesabı ilə qalib gəlib.