Martinez Çempionlar Liqasının yarımfinalında "Barselona" ilə cavab matçını buraxacaq

"İnter"nin hücumçusu və kapitanı Lautaro Martinez, mayın 6-da "Barselona" ilə keçiriləcək Çempionlar Liqasının yarımfinalının cavab oyununda iştirak edə bilməyəcək.

90deqiqe.Az-ın "Sky Italia"ya istinadən verdiyi məlumata görə, 27 yaşlı forvarda əzələ gərginliyi diaqnozu qoyulub və bu, onun turnirin əsas oyununu buraxmasına səbəb olacaq.

Zədə, klublar arasında 3:3 hesabı ilə başa çatan ilk oyunda meydana gəlib.

Qeyd edək ki, hər iki komanda ikinci oyuna qədər şəxsi heyət itkiləri ilə üzləşib. Daha əvvəl məlum olmuşdu ki, zədə səbəbindən "Barsa"nın əsas müdafiəçisi Jül Kounde də bu görüşdə iştirak etməyəcək.