"Barselona"ya qələbə qazanmaq üçün gəlmişəm"

"Barselona"nın yarımmüdafiəçisi Dani Olmo Çempionlar Liqasının yarımfinalında "İnter"lə cavab oyunu öncəsi fikirlərini bölüşüb.

90deqiqe.Az xəbər verir ki, ispan oyunçu bu barədə jurnalistlərə açıqlama verib.

"Mən "Barselona"ya qalib gəlmək üçün gəlmişəm. Artıq iki kubok qazanmışıq, indi daha iki kubok qazanmaq imkanımız var. Komandamızda hər kəs baş məşqçinin fikirlərini bölüşür. Mən belə bir uğura imza atacağımızı təsəvvür edirdim. Biz özümüzə inamlıyıq, birliyik və necə oynamaq istədiyimizi bilirik".

Görüş çərşənbə axşamı baş tutacaq. Kataloniyada keçirilən ilk oyun 3:3 hesablı heç-heçə ilə yekunlaşıb.

"İnter" - "Barselona" matçı Bakı vaxtı ilə saat 23:00-da başlayacaq.