Messi Çempionlar Liqası finalındakı qolunu karyerasında favorit adlandırıb

"Barselona"nın sabiq hücumçusu Lionel Messi Çempionlar Liqasının 2008/2009 mövsümündə "Mançester Yunayted"ə qarşı finalda vurduğu qolu karyerasındakı favorit kimi qiymətləndirib.

90deqiqe.Az xəbər verir ki, argentinalı ulduz fikirlərini belə ifadə edib:

"Bəlkə də daha gözəl və əhəmiyyətli qollarım olub. Amma Çempionlar Liqasının finalında “Mançester Yunayted”ə başla vurduğum qol həmişə mənim favoritim olaraq qalacaq.”

Həmin görüşdə Messi 70-ci dəqiqədə baş zərbəsi ilə Edvin van der Sarın qoruduğu qapını dəqiq nişan almışdı. Oyunun əvvəlində, 10-cu dəqiqədə isə Samuel Eto’o "Barselona"nı önə çıxarmışdı.

Qeyd edək ki, Lionel Messi 2008/2009 mövsümündə Çempionlar Liqasında 12 oyunda iştirak edib, 9 qol və 5 məhsuldar ötürmə ilə yadda qalıb.