"Çempionlar Liqasının qalibi olmaq inanılmaz hissdir"

PSJ-nin hücumçusu Xviça Kvaratsxeliya komandasının Çempionlar Liqasının finalında “İnter” üzərində 5:0 hesablı qələbəsi barədə danışıb.

90deqiqe.Az xəbər verir ki, "Sputnik Gürcüstan"  24 yaşlı futbolçunun dediklərini belə çatdırıb.

“Bunu sözlə ifadə etmək mənim üçün çətindir. Bu, inanılmaz hissdir. Şokdayam. Hələ də burada durduğuma inana bilmirəm. Amma həmişə bunun mümkün olduğuna inanmışam. Mən Çempionlar Liqasının qalibiyəm və çox xoşbəxtəm. Bu uğura klub və məşqçilərlə birlikdə nail olmuşuq” 

Təcrübəli hücumçu futboldakı çətinliklərə də toxunub: “Futbolda çox vaxt çətin anlar olur və onları aşmaq lazımdır. Biz bunu bacardıq. Finalda 'İnter' kimi rəqibi 5:0 hesabı ilə məğlub etmək asan deyil.”

PSJ-nin baş məşqçisinin rolunu da xüsusi qeyd edən Kvaratsxeliya əlavə edib: “Baş məşqçi inanılmaz iş görür. O, bizə hər şeyi mükəmməl izah edir və biz də bunu meydanda tətbiq etməyə çalışırıq.”

Qeyd edək ki, gürcü futbolçu bu oyunda komandasının dördüncü qolunun müəllifi olub.