"Qarabağ" – "Şelburn" matçının hakimləri açıqlanıb

UEFA Çempionlar Liqasının II təsnifat mərhələsində "Qarabağ"ın "Şelburn" (İrlandiya) ilə keçirəcəyi ilk oyunu idarə edəcək hakimlər müəyyənləşib.

90deqiqe.Az xəbər verir ki, görüşü Xorvatiyadan olan hakimlər briqadası idarə edəcək. Qarşılaşmanın baş hakimi Ante Çulina olacaq. Ona yan xətt hakimləri Luka Puşiç və İvan Mihali kömək edəcəklər. Dördüncü hakim funksiyasını isə Mateo Erceq yerinə yetirəcək.

Oyunda VAR sistemi də tətbiq olunacaq. VAR hakimi qismində Mario Zebec, AVAR hakimi kimi isə Tixomir Pejin çıxış edəcək.

Qeyd edək ki, qarşılama iyulun 23-də Dublindəki "Tolka Park" stadionunda, Bakı vaxtı ilə saat 22:45-də start götürəcək. Tərəflər arasında cavab matçı iyulun 30-da Tofiq Bəhramov adına Respublika stadionunda, saat 20:00-da başlayacaq.