“Mançester Siti” onun uğrunda mübarizəyə qoşuldu

 “Kristal Pelas”ın müdafiəçisi Mark Qehinin transferi ilə bağlı mübarizəyə “Mançester Siti” də qoşulub.

90deqiqe.Az-ın "Mirror"a istinadən məlumatına görə, "şəhərlilər" İngiltərə millisinin üzvü ilə müqavilə imzalamaq uğrunda “Liverpul”la rəqabət aparmağa hazırdır. Artıq futbolçunun agenti ilə danışıqlara da başlanılıb.

İngiltərəli futbolçunun “qartallar”la mövcud müqaviləsi gələn yay başa çatacaq. O, karyerasını İngiltərə Premyer Liqasında davam etdirmək istəyir, xarici klubların marağına baxmayaraq.

Cari mövsümdə Qehi bütün turnirlərdə yeddi oyunda iştirak edib və bir qol vurub. Transfermarkt portalına görə, 25 yaşlı müdafiəçinin bazar dəyəri 45 milyon avrodur.