“Belə vəziyyətlər futbolun çoxdan nəzarətdən çıxdığını göstərir”

Madrid “Real”ının baş məşqçisi Xabi Alonso Çempionlar Liqasının “Atletiko” – “Liverpul” (3:2) oyununda baş verən hadisəyə münasibət bildirib.

90deqiqe.Az xəbər verir ki, "AS" təcrübəli çalışdırıcının fikirlərini belə çatdırıb:

“Əgər ideal dünyada yaşasaydıq, belə vəziyyətlərə görə əziyyət çəkməli olmazdıq. Mən çox vaxt belə hallarla üzləşmədiyim üçün şikayət etmirəm. Amma bu vəziyyətdən daha çox əziyyət çəkən həmkarlarım var. Təəssüf ki, buna hazır olmalısan, əks halda bu səni həm oyundan, həm də özündən çıxara bilər. Mən özüm çox az belə hadisə görmüşəm, amma futbol meydanlarında bunun şahidi oluruq. Artıq çoxdan nəzarətdən çıxmış bir vəziyyətdir”

Xatırladaq ki, matçın son dəqiqələrində “Atletiko”nun baş məşqçisi Dieqo Simeone onu təhqir edən “Liverpul” azarkeşinə tərəf getməyə cəhd etmişdi.