“Arsenal” Simeone üçün əlavə təhlükəsizlik tədbirləri görməyəcək

“Arsenal” Çempionlar Liqasının üçüncü turunda “Atletiko” baş məşqçisi Dieqo Simeonenin təhlükəsizliyini təmin etmək üçün əlavə stevardlar təyin etməyəcək.

90deqiqe.Az “The Sun”a istinadən xəbər verir ki, London klubu hesab edir ki, ev azarkeşləri argentinalı məşqçini “Liverpul” fanatlarının etdiyi kimi istehza etməyəcək.

“Emirates” stadionunda qonaq və ev tribunalarının yerləşməsi məşqçilərin azarkeşlərdən daha uzaqda olmasına imkan verir.

Simeone Çempionlar Liqasının ilk turunda “Liverpul” fanatları ilə baş verən insident səbəbindən diskvalifikasiya olunmuş və indi texniki zonaya qayıdır.