“Yuventus” istənilən çətin vəziyyətdə belə təhlükəli komandadır”

“Real”ın baş məşqçisi Xabi Alonso Çempionlar Liqasının qrup mərhələsinin III turunda “Yuventus”la keçiriləcək oyundan öncə fikirlərini bölüşüb. 

90deqiqe.Az-ın məlumatına görə, təcrübəli çalışdırcı bu barədə klubun rəsmi saytına açıqlamasında bildirib.

“Biz oyuna çox yaxşı hazırlaşmışıq. Komanda evdə çıxış edir və qələbəyə motivasiyalıdır. İnsanlar ‘Bernabeu’ya vacib bir oyunu izləmək üçün gəlirlər, ona görə də sabaha tam hazırıq. Hər hansı çətinlik yaşayan italyan komandası təhlükəli ola bilər. Tarixi unutmamalıyıq. ‘Yuventus’ həm keçmişdə, həm də indi əla komandadır. Onların çox yaxşı oyunçuları var. Yıldızlardan biri – oyunda fantastik nəticələr əldə edən oyunçudur. Onun inkişafını görmək mənim üçün böyük məmnuniyyətdir.”

Qeyd edək ki, matç oktyabrın 22-də Madridin “Santyaqo Bernabeu” stadionunda baş tutacaq. Qrup mərhələsinin iki turundan sonra “Real Madrid” 6 xalla turnir cədvəlində ikinci, “Yuventus” isə 2 xalla 23-cü pillədə qərarlaşıb.