“Atletik”lə oyunda layiqli mübarizə aparacağıq”

“Qarabağ”ın futbolçusu Kevin Medina UEFA Çempionlar Liqasının qrup mərhələsinin III turunda səfərdə “Atletik” (Bilbao, İspaniya) ilə keçirəcəkləri oyun öncəsi mətbuat konfransında fikirlərini bölüşüb.

90deqiqe.Az-ın məlumatına görə, kolumbiyalı müdafiəçi bunları bildirib:

“İstəyirik ki, rəqibə qarşı layiqli mübarizə aparaq. Oyun təkcə Uilyams qardaşlarına qarşı deyil, ümumilikdə ‘Atletik’ komandası ilə olacaq. Niko və İnyaki çox dəyərli futbolçulardır. Ötən mövsüm mən yaxşı formada deyildim, amma bu mövsüm matçlara daha yaxşı motivasiya ilə çıxıram.”

Qeyd edək ki, “Atletik” – “Qarabağ” matçı oktyabrın 22-də, Bakı vaxtı ilə saat 20:45-də start götürəcək.