“Barselona” evdə “Olimpiakos”u darmadağın etdi

UEFA Çempionlar Liqasının 2025/2026 mövsümünün qrup mərhələsinin III turu çərçivəsində “Barselona” evdə Yunanıstanın “Olimpiakos” komandası ilə qarşılaşıb. 

90deqiqe.Az xəbər verir ki, oyun Barselonadakı “Olimpik Lyuvis Kompanis” stadionunda baş tutub və baş hakim kimi İsveçrədən olan Urs Şnider çalışıb.

Matç 6:1 hesabı ilə Kataloniya təmsilçisinin xeyrinə başa çatıb. “Barselona”nın heyətində qolları yarımmüdafiəçi Fermin Lopes (het-trik), qanad oyunçusu Markus Raşford (dubl) və hücumçu Lamin Yamal (penaltidən) vurub.

Növbəti turda Hans-Diter Flik rəhbərliyindəki “Barselona” komandası noyabrın 5-də “Brügge” ilə qarşılaşacaq, Xose Luis Mendilibarın rəhbərlik etdiyi “Olimpiakos” isə noyabrın 4-də PSV-yə qonaq olacaq.