“Yuventus” heç kəsdən qorxmur, yalnız qələbə üçün oynayacaq”

“Yuventus” klubunun yarımmüdafiəçisi Kefren Tyuram UEFA Çempionlar Liqasının ümumi mərhələsinin III turu çərçivəsində Madriddə “Real”a qarşı keçiriləcək oyun öncəsi açıqlama verib.

90deqiqe.Az xəbər verir ki, fransalı oyunçu bu barədə UEFA-nın mətbuat xidmətinə açıqlamasında danışıb.

“Gözlərimizdə qorxu ilə meydana çıxmaq yolverilməzdir. Komandamız öz gücünə inanır. Biz yalnız qələbə üçün oynayacağıq. ‘Yuventus’ heç kəsdən qorxmur. Qarşıda çox güclü rəqib olacaq, lakin biz yalnız müsbət nəticə üçün hazırıq.”

Qeyd edək ki, “Real” və “Yuventus” arasında hazırda gedən görüşdə hələlik hesab açılmayıb.