Haland Çempionlar Liqasında unikal göstəriciyə imza atıb

“Mançester Siti”nin ulduz hücumçusu Erlinq Haaland UEFA Çempionlar Liqasının tarixinə adını növbəti dəfə qızıl hərflərlə yazdırıb.

90deqiqe.Az xəbər verir ki, norveçli forvard hazırda turnirin tarixində oyun sayından çox qol vuran yeganə futbolçudur. – 52 matçda 54 qol

Hazırda Haland Çempionlar Liqasının bütün dövrlər üzrə bombardirlər siyahısında 9-cu yerdədir. Onun qarşısında isə 73 matçda 56 qol vuran əfsanəvi Rud van Nistelroy qərarlaşıb.

Bu mövsüm 25 yaşlı hücumçu dörd oyunda beş qol vuraraq “Mançester Siti”nin hücum xəttində əsas aparıcı qüvvə olduğunu bir daha sübut edib.